Día 19 de maio, xoves

ás 20:30 horas

Salón de actos da Deputación Provincial

Ciclo dedicado a Manuel María:  "Amar a vida"

Concerto: "A QUENLLA, canta a Manuel María"

O 3 de maio, con motivo da viaxe a Rumanía que varios socios da Asociación farán do 27 de maio ao 5 de xuño acompañados por Lois Diéguez, o escritor e poeta deu unha charla titulada "Diario de viaxe: polas terras de Rumanía", como limiar á visita a este país para el xa coñecido, facendo proxeccións e comentarios dos lugares a visitar: Bucarest, Sinaia, Bran, Brasov, Prejmer. Rasnouv, Brasov, Medias, Biertan, Sighisoara, Bicaz, Piatra Neamt, Targu Neamt, Humor, Varonet. Marxinea, Sucevita, Moldovita, Sadova, Bogd

Os días 30 de abril e 1 de maio, a Asociación viaxou as provincias de Zamora e León facendo de guía Ignacio Rodríguez Eguibar. Na mañá do primeiro día visitouse o que queda do Mosteiro de San Miguel de Moreruela de onde viñeron para Lugo as reliquias de San Froilán, que pertenceu ao Cister, sendo a parte que se conserva máis importante a cabeceira da igrexa, con sete capelas absidais e deambulatorio, de estilo de transición entre o románico e o gótico.

Día 30 de abril, sábado

ás 8 horas

Saída de diante o Instituto Lucus Augusti para Tábara (Zamora).

Chegada ás 10:30. Visita á torre e oficina de turismo.

As 11:30 visita ao mosteiro de Moreruela.

Ás 12,30, saída para León.

Ás 14,30 xantar.

Ás 16,30, traslado ao Hotel.

Ás 17,30 visita á catedral para ver as pegadas de San Froilán nese monumento.

Cena por libre recomendando á visita ao Barrio Húmido.

Día 1 de maio, domingo

ás 9 horas

Saída de León cara a Valdepiélago ás 9.

Parada na Virxe do Camiño. Visita rápida á igrexa.

Chegada ás 10:30:

Ponte dos Cadaleitos

Fervenza

Volta a Valdepiélago:

Saída cara a Nocedo de Curueño de procesión.

Chegada a Valdorria.

Misa e subida á capela de San Froilán.

Regreso a Nocedo de Curueño sobre as 14:30.

Ás 14:45 xantar en “Casa El Zaguán de Colín”.

As 18 horas visita en Ruitelán a Ermida e cova de San Froilán.

Chegada a Lugo sobre as 21 horas.

Día 28 de abril, xoves

ás 20 horas

Salón de actos da Deputación Provincial

Ciclo "Seguindo os pasos de san Froilán"

Conferencia de Ignacio Rodríguez Eguibar sobre o roteiro de San Froilán nas provincias de León e Zamora.

O 14 de abril, no salón de actos da Deputación Provincial, o historiador e presidente de LugoPatrimonio, Adolfo de Abel Vilela, deu a primeira charla do ciclo "Seguindo os pasos de san Froilán", co título "O culto a san Froilán en Lugo". Na disertación foi comentando as orixes do culto na cidade, que se remonta ao último terzo do século XV coa construción dunha capela na catedral, en 1605 decláraselle patrón de Lugo e en 1610 fundouse unha confraría para darlle un culto máis solemne, organizándose as primeiras festas profanas, que se celebraron intermitentemente no século XVII, chegando a desaparecer, recuperándose no último cuarto do século XIX.
A súa imaxe estivo no antigo retablo das Casas Consistoriais, hoxe na parroquia de Santa María de Villafiz, e na catedral está representado na capela nova de fins do século XVIII, no coro de Francisco de Moure, na capela do Pilar, e na fachada principal.
En 1894 fundouse unha parroquia coa súa advocación, e dedicóuselle a rúa que antes se chamaba do Sol e o novo cemiterio.

Día 14 de abril, xoves

ás 20 horas

Salón de actos da Deputación Provincial

Ciclo "Seguindo os pasos de san Froilán"

Conferencia de Adolfo de Abel Vilela sobre "O culto a San Froilán en Lugo".

O sábado, día 2 de abril, dentro do ciclo "Manuel María: Amar a Vida",  a Asociación  fixo unha viaxe guiada por Lois Diéguez servíndose dunha selección que fixo de trinta poemas relacionados cos lugares máis íntimos do poeta. Os participantes comezaron a visita pola casa natal de Hortas, e recitaron os poemas que se entregaran previamente nunha edición impresa titulada "Viaxe sentimental por Outeiro de Rei e a Terra Cha", na Praza do Concello, cemiterio con ofrenda floral, campo de Santa Isabel, igrexa de Baamonde, San Alberte rematando en Penas de Rodas.

O xoves, día 31 de marzo, ás 20 horas, o profesor doutor Camilo Gómez Torres, autor de Manuel María: poesía, traballo lingüístico e traballo cultural,  e Manuel María: os traballos e os días, así como varios artigos sobre a obra do poeta chairego, deu a conferencia "Manuel María: Obra poética", na que fixo unha análise das etapas evolutivas do autor de mil setecentos poemas publicados en máis dun cento de libros.